Nawaz Sharif Speech Against Pak Police

پولیس عمران خان کا حکم ماننے سے انکار کردے، نواز شریف

Nawaz Sharif Speech Against Pak Police

پولیس پاکستان مسلم لیگ (ن) اور پی ڈی ایم کے کارکنان کو روکنے ، ہراساں کرنے یا پکڑنے کے
عمران نیازی کے غیر قانونی اور غیر آئینی احکامات کو ماننے سے انکار کرے، سابق وزیراعظم کی ٹوئٹ
سابق وزیراعظم میاں نواز شریف نے کہا ہے کہ پولیس کو چاہیے کہ ن لیگ اور پی ڈی ایم کے کارکنان
کی گرفتاری کے عمران خان کے غیرقانونی احکامات پر عمل نہ کرے۔

سماجی رابطوں کی ویب سائٹ ٹوئٹر پر جاری اپنے ایک پیغام میں سابق وزیراعظم میاں محمد نواز شریف
نے کہا ہے کہ پولیس پاکستان مسلم لیگ (ن) اور پی ڈی ایم کے کارکنان کو روکنے ، ہراساں کرنے یا
پکڑنے کے عمران نیازی کے غیر قانونی اور غیر آئینی احکامات کو ماننے سے انکار کرے۔انہوں نے لکھا
کہ پولیس ان کے ورکرز کو گجرانوالہ پہنچنے سے روکنے کے اقدامات نہ کرے۔ وزیراعظم نواز شریف نے
پنجاب پولیس کو مخاطب کرتے ہوئے کہا کہ وہ وزیراعظم عمران خان کے احکامات ماننے سے انکار کردے۔

واضح رہے کہ سولہ اکتوبر کو پاکستان ڈیموکریٹک موومنٹ (پی ڈی ایم) کے گوجرنوالہ جلسے سے قبل
مختلف شہروں میں متعدد سیاسی رہنماوں اور کارکنوں کو گرفتار کر کے ان کے خلاف مقدمات درج کر
لیے گئے ہیں۔

گوجرانوالہ شہر کے داخلی اور خارجہ راستوں کو ممکنہ طور پر بند کرنے کیلئے کنٹینرز منگوا لیے گئے ۔
ذرائع کے مطابق گوجرانوالہ میں اجازت کے بغیر کارنر مییٹنگ کرنے اور کورونا ایس او پیز کی
خلاف ورزی پرمختلف تھانوں میں 7 مقدمات درج کر لیے گئے ہیں۔سی پی او سرفراز فلکی کے
مطابق کورونا ایس او پیز پر عملدرآمد کو ہر صورت یقینی بنایا جائے گا، این او سی کے بغیر کارنر میٹنگز
اور عوامی اجتماع کی اجازت ہرگز نہیں دی جائے گی۔

دوسری جانب گوجرانوالہ کے جناح اسٹیڈیم میں جلسہ کی اجازت نہ ملنے پر مسلم لیگ ن اور پیپلز پارٹی
کے وکلاء نے ڈی سی دفتر کے باہر احتجاجی مظاہرہ کیا اور نعرے لگائے۔

اپنا تبصرہ بھیجیں